check1.png
Аԥсны Аҳәнҭқарра Ахадарахьы акандидат
БЖЬАНИА Аслан Гьаргь-иԥа
[ ибиографиа ]

check1.png
Аԥсны Аҳәынҭқарра Ахада ихаҭыԥуаҩрахь акандидат
ГӘЫНБА Бадра Зураб-иԥа
[ ибиографиа ]

А. З. Анқәаб алхыҩцәа рахь иааԥхьара

ankvab.jpg

Ҳаҭыр зқәу ҳауаажәлар!

2020 шықәса, март 22 рзы имҩаҧысраны иҟоуп изаамҭанытәым Аҧсны Аҳәынҭқарра Ахада иалхрақәа. Ҳара иҟаҳҵароуп аҭакҧхықәра ду зцу, илахьынҵаӡбагоу ашьаҿа – иалҳхроуп иааиуа ахәышықәсазы ҳҳәынҭқарра напхгара азҭаша. Ҳара ҳацәымҩашьо иаҳдыруазароуп иалаҳхуа амчра ҳтәыла зҭашәаз ауадаҩра иалызго, ииашоу анапхгаратә ӡбамҭақәа здызкылар зылшо, акрызҵазкуа аиҭакрақәа рымҩаҧгаразы аҭагылазаашьа аҧызҵо мчраны ишыҟало.

Аҧсны атәылауаа иҟарҵо алхра иабзоурахоит наҟ-наҟ ҳтәыла шьаҿа ӷәӷәала аҿиарамҩа ианылоу, мамзаргьы ҳауаажәлар нҵәара зқәым аҩныҵҟаполитикатә хынҭаҩынҭарақәеи асоциал-економикатә ҭагылазаашьа уадаҩи изрылымҵуа иаанхоу.

Ҳара еилаҳкаароуп ҿыц еиҵагыло Аҧсны атәылауаа рабиҧара раҧхьаҟа ҧеиҧшс ироуа, ҧсҭазаарас ирзыҧшу.

Аҧышәа дуи, ҳҿар ргәамчи, рырҿиаратә гәаҳәареи реиларҭәа иҳалнаршоит макьана иӷәӷәам ҳаҧсадгьыл аҿаҧхьа иқәгылоу азҵаара уадаҩқәа рыӡбара

Дарбанзаалак ҳтәылауаҩ илоу апотенциал аарҧшразы аҭагылазаашьақәа раҧҵареи, милаҭрацәала еилоу Аҧсны жәлар ҧхьаҟа аҧеиҧш бзиа шырзыҧшу рдырратә еиҧш рыҟаҵареи, аамҭа иақәшәо, зхатәы мчла зхы ныҟәызгар зылшо аҳәынҭқарра шьаҭас иаиуроуп.

Ҳаҭыр зқәу ҳауаажәлар, иҳамоу аконституциатә зин ҳхы иархәаны иалҳхроуп ҳаҧсадгьыл алахьынҵа знапы ианаҳҵо, ҳгәыӷрақәа ирмеижьо, ҳҭәыла аҿиарамҩахь архынҳәра зылшо аҳәынҭқарра анапхгара.

Аҧсны Аҳәынҭқарра Ахадарахьы акандидат Бжьаниа Аслан Гьаргь-иҧеи, Ахада ихаҭыҧуаҩрахь акандидат Гәынба Бадра Зураб-иҧеи иаҧсоу напхгаҩцәаны исыҧхьаӡоит.

Шәыдгылара сақәгәыӷуеит.

Александр Анқәаб


Ажәабжьқәеи аиԥыларақәеи